Introduction :
Subah ke naste me garma-garam aloo paratha khana sabko bahut pasand hota hai. Ye ek aisi recipe hai jo.simple hone ke saath-saath bahut tasty bhi hoti hai.... Main bhi ghar par aksar ye paratha banati hoon, aur aaj main aapko bilkul easy tarike se banana sikhaungi jisse aapka paratha soft aur perfect banega.
🧾 Samagri (Ingredients) : *2 cup gehun ka atta
*3 medium size ubale hue aloo
*1 hari mirch (barik kati hui)
*1/2 chamach lal mirch powder
*1/2 chamach garam masala
* Namak swad anusar
* Thoda hara dhania (optional)
* Ghee ya tel sekne ke liye
👩🍳 Banane ki vidhi (Step by Step) :
Step 1:
Sabse pehle atta me thoda-thoda paani daal kar soft dough bana lein aur ise 10 minute ke liye dhak kar rakh dein.
Step 2:
Ab ubale hue aloo ko achhe se mash karein taki koi bade tukde na rahein.
Step 3:
Is mashed aloo me namak, lal mirch, garam masala, hari mirch aur hara dhania daal kar achhe se mix kar lein.
Step 4:
Ab dough ki choti-choti loiyan bana lein aur har loiyan me aloo ka mixture bhar kar halka sa band kar dein.
Step 5:
Ab ise belan se dheere-dheere bel lein.
Step 6:
Garam tawa par paratha daalein aur dono taraf se ghee ya tel laga kar golden brown hone tak sekhein.
😋 Serve kaise kare :
~ Aloo paratha ko aap dahi, achar ya thodi si makkhan ke saath serve kar sakte hain. Garam-garam khane me iska taste aur bhi badh jata hai.
💡 Mere special tips :
- Aloo ko bilkul smooth mash karein
- Paratha ko zyada zor se na belein
- Medium flame par hi sekhein taki andar tak achhe se pak jaye
❤️ Conclusion :
Aloo paratha banana bahut hi easy hai aur is simple recipe se aap ghar par perfect paratha bana sakte hain. Ek baar try zaroor karein, aapko aur aapki family ko bahut pasand aayega.
💬(Important)
Agar aapko ye recipe pasand aayi ho to comment karein aur
apne doston ke saath share zaroor karein.
No comments:
Post a Comment